
你今日行咗幾多步呢?講起計步數🔢,你可能會發現有好多追蹤App嘅預設健康目標都係一萬步📱,甚至有人會以此作為每日嘅運動目標,以為行夠一萬步就可以減到肥,但係原來想成功靠行路減脂🚶🏻,都需要睇埋你嘅生活模式係點🧐。
相信大家都有聽講過,每天行足 10,000 步,有助減脂,就可以變得更健康。
係真唔係?答案好快就會揭曉,但首先等我哋嚟探究下每日要行 10,000 步嘅由來。
適逢1964 年東京奧運會,日本計步器公司特意發起一項行銷活動,因品牌名稱Manpo-Kei英文係指「萬步計」,所以行10,000 步嘅基準就誕生啦。
行10,000步真係有用?
健康-有效
研究表明,每日只需要行七千幾步就對身體有益。
減脂 – 唔一定
好取決於你依加嘅生活習慣同情況
透過問自己以下呢幾個問題,可以了解多啲點樣靠行路減脂,繼續睇落去啦!
1. 你每天行幾多步?
首先你要問下自己,過去呢幾個月你每日平均行幾多步。
如果你冇智能追蹤器,可以利用手機原有嘅應用程式。
Android – Google健身
Apple – 健康App
利用手機原有嘅應用程式,就可以了解到每星期同每月你嘅平均步數。
2. 你嘅體重有冇下降?
然後你就需要根據平均步數嚟評估,喺過去幾個月入面你體重有冇下降或脂肪有冇減少。
可以檢查下你嘅體重轉變,或衣服啱唔啱身。
3. 你係處於邊種狀態?
□體重增加緊
□體重冇升冇跌
□體重下降緊
4. 點樣先可以靠行路減到肥?
首先評估自己嘅整體生活方式,然後減少食物攝入量,同時增加步數。
建議喺目前平均步數嘅基礎上增加 2,000-4,000 步。如果你想減得快啲,就可以每日增加至20,000 步。
當然,如果你增加完步數,但係比起之前食得仲多,運動量更少,就會適得其反。
增加 2,000-3,000 步大約可以消耗到100 卡路里,卡路里消耗會根據每個人嘅身高同體重而有所不同。