No pain不一定No Gain 💪🏻
我哋耳熟能詳嘅H.I.I.T.屬於進階訓練模式🌟，好容易會因為跟唔上而對運動產生挫敗感😔，仲可能因為姿勢錯誤、肌肉強度不足而受傷🤕。
同H.I.I.T.相比，低強度恆速帶氧運動（L.I.S.S.）運動訓練模式就相對溫和好多🫶🏻，適合新手、疏於運動、體重較高或者患有關節問題🦵🏻嘅人，仲可以喺中高強度運動計劃入面擔當過渡嘅角色添😉~
低強度恆速帶氧運動（L.I.S.S.）係指維持低強度運動較長時間，以最大心率（MHR）嘅 50-65% 持續至少 30 分鐘或以上。
L.I.S.S.嘅例子包括：步行、跑步、踩單車，或任何可以令你保持 50-65% 最大心率嘅持續性帶氧運動
最大心率 = 220 – 年齡 x 0.5-0.65%
L.I.S.S. 嘅好處
#刺激副交感神經
可以令你嘅身體進入冷凍或休息消化狀態，減輕壓力，改善整體健康。
#改善情緒
長時間嘅運動會引發釋放血清素同多巴胺等神經傳導物質，從而改善情緒。
#降低受傷風險
由於 L.I.S.S. 運動嘅衝擊力小，關節同肌肉所承受嘅壓力都會較小，疲憊感亦冇咁高，所以成日做都得。
#促進脂肪燃燒
L.I.S.S. 雖然低強度，但係會令你嘅身體更容易燃燒脂肪。
#提高運動表現
微絲血管密度增加，血液流量自然就會上升，增強身體向肌肉輸送營養同氧氣嘅能力，即係代表可以提升重訓時嘅運動表現。
#提高心臟效率
隨著心臟嘅每一次跳動，身體內部嘅血液流動量亦會增加，同時降低你嘅靜息心率。
