你有冇試過喺gym房🏋🏻♀️，不知不覺花咗比預期多一倍嘅時間訓練🤔？唔洗擔心，呢種情況好常見💁🏻♀️。如果你想事半功倍、節省時間🕒，呢度有啲小貼士📝，帶你了解點樣精準計劃每次訓練、掌握適當休息時間，仲有更多小秘訣😉，幫你充分利用每次訓練，令你嘅健身之旅更加有效率🏃🏻♀️💨。
明明健身訓練1個鐘就做得哂，最後喺gym房竟然做咗2 個鐘？放心呢種情況好多人都會遇到，不過如果你想保持注意力集中，提高鍛煉效率，以下嘅貼士一定幫到你。
#1 預先計劃
🌟去gym房前計劃好要做啲咩訓練，逐個動作慢慢跟住計劃做。
🌟預先有個健身計劃會令你專注喺完成動作上，從而令訓練比起隨意鍛煉更有成效。
#2 安排好健身時間
🌟固定健身嘅時間，慳番考慮下次幾時再去gym房嘅時間。
🌟如果可以喺非高峰期訓練就更好，人少自然可以唔洗浪費時間等器械。
#3 用少啲手機
🌟如果你喺訓練中途用電話覆訊息或碌社交媒體，會好容易因為分心，唔小心拉長咗訓練嘅時間。
🌟最好個電話淨係攞嚟寫筆記、追蹤健身進度同埋聽音樂／廣播節目。
#4 採用超級組訓練方式
🌟揀兩款動作不斷重覆做，每個動作之間儘量唔好休息，唔單只可以幫你慳番啲時間，仲夠哂挑戰性，對增肌減脂好有幫助。
🌟例子：啞鈴胸推 10 次後，即刻接住做啞鈴俯身划船 10 次，休息完再重覆動作。
#5 用多啲器械
🌟器械可以直接調整重量，而槓鈴同啞鈴則需要更多嘅時間同精力更換。
🌟但係如果想做超級組訓練，用兩部唔同嘅器械嘅話可能會比較難，尤其是當有人想用同一部器械時。所以揀 1 部器械同 1 個啞鈴或槓鈴嚟進行超級組訓練就最適合不過。
#6 佩戴耳機
🌟如果你想保持專注、避免分心，就聽下音樂啦。戴耳機仲可以防止其他人講嘢嘅時候打斷你添。
#7 掌握好休息時間
🌟你應該喺訓練計畫中規定埋每組之間嘅休息時間。每組訓練之間休息時間保持一致，就可以容易啲衡量自己進步嘅幅度。
🌟如果休息時間過長，咁下一組訓練就會變得太易；如果休息時間過短，下一組訓練又會變得太難。
