隨住大家越嚟越重視健康，健康食品成為潮流。但係事實上，唔少看似健康嘅食品，實則係你減肥路上嘅絆腳石，令你越食越肥嘅垃圾食物🤕！呢啲食品可能暗藏過量嘅糖份、鹽份、脂肪，同埋各種添加劑🧂，長期食用會對健康造成潛在威脅💥，仲有機會令體重失控添😵。今日就嚟拆解6種常見嘅「健康」食品陷阱，公開佢哋背後嘅營養真相，一齊避免跌入健康誤區啦😉！
本身食健康食品理應係減肥嘅好方法，因為相比起垃圾食品，佢哋營養更豐富、更加飽肚，仲可以提供穩定嘅能量。但係，食健康食品嘅時候都要注意某啲誤區同陷阱，尤其係對健康食品嘅認知偏差，可能會影響減脂嘅效果。
減肥最重要就係製造熱量赤字，亦即係控制每日嘅卡路里攝入量。遺憾嘅係，「健康」唔等於低熱量，好多看似健康嘅食品其實熱量好高，容易令你喺不知不覺中攝入過多卡路里。
以下係6種可能會阻礙你減肥嘅健康食品，要小心啲食。
#1 堅果同堅果油
堅果富含多種營養同抗氧化劑，但同時佢嘅脂肪含量都好高。最大問題就係堅果好容易食到停唔到口，熱量好快爆標。
#2 乾果
減肥食新鮮水果係冇問題嘅，但係由於乾果脫咗水，體積變細食落冇咁飽，往往容易食得過量。
#3 橄欖油
所有油類嘅脂肪含量都好高，熱量自然唔低。一湯匙嘅橄欖油約含 120 卡路里，相當於約半碗飯嘅熱量。
#4 燕麥片
雖然燕麥片係一種以「健康」為賣點嘅食品，但係市售嘅燕麥片通常含有大量糖分同脂肪，熱量遠比你想像中高。
#5 果汁
與其飲果汁，最好都係直接食番完整嘅水果，因為入面嘅纖維有助減緩消化。果汁除咗熱量高、容易導致糖分飆升之外，飽肚感仲好差，可能引起能量下降。
#5 餐廳沙律
問題唔喺個沙律度，而係佢嘅配料同醬汁。餐廳嘅沙律通常會落高熱量嘅沙律醬，有時甚至會加糖。所以如果你想食沙律嘅話，記得叫醬汁另上啦。
總結
✨做到熱量赤字係減肥嘅關鍵。
✨以「健康」為賣點嘅食品≠健康
✨健康≠低熱量
