話咁快又到農曆新年、同親朋戚友聚首一堂嘅日子🧧。但係你知唔知，傳統賀年小食好多都會經過油炸，加入大量糖分，令卡路里大大提高📈？幾件入口就可能已經等於幾碗飯嘅卡路里🍚！
更令人意想不到嘅係，平時以為最安全嘅小食，竟然可能都會熱量爆標💥？記住睇到最後，結果保證令你大跌眼鏡！
#1 開心果 VS 臘腸
臘腸係多數煲仔飯嘅食材，新年嘅鹹糕點都會加入臘味粒，臘腸近一半成分都係脂肪，但係原來開心果嘅卡路里仲高～
以100克份量為基準，開心果約607卡路里，臘腸則約437卡路里。
#2 朱古力 VS 瓜子
朱古力同瓜子嘅強強對決！以100克份量為基準，朱古力約623卡路里，瓜子則約590卡路里。
#3 糖蓮子 VS 糖冬瓜
兩者表面都舖滿咗糖粉，你就以為佢哋卡路里相差無幾？咁你就錯啦！糖蓮子嘅卡路里其實係糖冬瓜嘅兩倍～
以100克份量為基準，糖蓮子約300卡路里，糖冬瓜則約140卡路里。
#4 牛油曲奇 VS 湯圓
以100克份量為基準，牛油曲奇約521卡路里，湯圓則約366卡路里。
#5 瑞士糖 VS 年糕
相信大家都知道，喺各種賀年糕點中，年糕係卡路里排行榜嘅第一位，但係瑞士糖嘅卡路里竟然遠遠高於年糕，
以100克份量為基準，瑞士糖約408卡路里，年糕則約243卡路里。雖然係以100克份量為基準，但係細細粒嘅瑞士糖好容易就會食得太多！
