做羅馬尼亞式硬拉嘅時候，你有冇留意過自己膝頭嘅彎度🦵🏻，係咪唔小心彎得太多？如果膝頭過度彎曲，成個動作就會變成深蹲，冇辦法正確利用目標肌群發力，唔單止冇效果，仲可能會令膝頭受傷🤕！
想避免無效訓練，輕鬆打造完美臀部線條，就要分清楚羅馬尼亞式硬拉同深蹲嘅差異🔍，從而掌握準確嘅動作技巧！
槓鈴羅馬尼亞式硬拉（RDL）屬於鉸鏈動作嘅一種，主要針對大腿後肌及臀大肌進行訓練。訓練期間，大腿後肌處於拉長狀態。
常見錯誤 – 膝頭彎曲太多
膝頭應該微微彎曲，但係千企唔好變成深蹲。如果膝頭彎曲太多，成個動作變成深蹲，就會令力量轉移到股四頭肌，冇辦法正確咁靠臀部發力，大腿後肌處於縮短狀態，亦會減低對臀大肌嘅訓練效果。
深蹲 VS 羅馬尼亞式硬拉
深蹲
✨主要針對股四頭肌
✨膝頭向前超過腳趾
✨脛骨並非垂直
羅馬尼亞式硬拉（RDL）
✨主要針對大腿後肌及臀大肌
✨膝頭微微彎曲
✨脛骨垂直
RDL嘅重點係靠髖關節折疊，而唔係膝頭前移，咁先可以有效拉長大腿後肌，同時令臀大肌發力完成動作。
🔥貼士：下次做 RDL 嘅時候，記得檢查自己脛骨係咪垂直，咁先可以確保大腿後肌可以得到充分鍛練。
