天氣慢慢回暖，又係時候做運動，減肥增肌迎接夏天🌤️。但無論你係運動新手，定係長期操練嘅老手，都難免會遇到肌肉酸痛甚至受傷嘅情況🤕。如果受傷，唔單止影響表現，仲可能要停操休養，影響進度，白白浪費之前嘅努力😧。
所以，與其等到受傷先嚟後悔，不如提前做好準備，確保每一次訓練都安全有效💪🏻。即睇呢 7 大運動防傷秘訣，幫你穩陣操出最佳狀態✨！
#1 運動前熱身
開始鍛煉前，要花時間做適當嘅熱身運動，可以包括輕度嘅有氧運動、伸展運動同活動度訓練，讓身體做好準備，以適應鍛煉嘅需要。
#2 使用正確姿勢
使用正確嘅姿勢對防止受傷至關重要。如果你唔肯定點為之正確嘅姿勢，可以考慮聘請私人教練。
#3 負重唔好超出負荷
負重過重會導致嚴重受傷。循序漸進咁增加負重，增強力量同時減低受傷風險。
#4 穿戴合適裝備
確保你鍛煉時穿著合適嘅鞋類同服裝，有助防止跣親、跌倒同其他意外。
#5 注意休息同恢復
兩次鍛煉之間要保留一定時間讓身體休息同恢復，除咗有助防止過度運動損傷，仲可以令肌肉有時間修復同生長。
#6 攝取足夠水分
飲多啲水有助防止肌肉痙攣同脫水。喺運動前、中、後都要及時補充水分，以保持最佳運動表現，降低受傷風險。
#7 留意身體狀況
運動時同運動後都要留意身體嘅感覺。如果覺得疼痛或不適，請停止運動，情況嚴重時應尋求醫療協助。
