考試倒數，時間好似點溫都唔夠用⏳，但越緊張越讀唔入，點算好？冷靜啲！其實個腦都需要Reset，讀書同時識得減壓，先至可以用最佳狀態應戰！💡最有效嘅方法就係運動，小至10分鐘伸展，大至1小時嘅健身、帶氧運動，運動可以幫你放鬆心情，同時提升專注力，令記憶力UPUP！
想溫書事半功倍，迎戰考試更有信心？即刻睇埋呢10個簡單又實用嘅減壓秘訣，幫你超常發揮💪！
#1 規律運動
運動可以幫助釋放安多酚（Endorphins），有助改善心情並減輕壓力。抽時間快速健身或散步，可以令大腦煥然一新，保持最佳狀態！
#2 深呼吸練習
利用簡單嘅呼吸技巧可以幫助平靜身心，不妨試下呢個方法：
吸氣 4 秒 → 閉氣 4 秒 → 呼氣 4 秒，重複幾次，俾自己放鬆下。
#3 冥想
每天用幾分鐘冥想，可以提升專注力同內在平靜。可以用Headspace、Calm等等嘅應用程式嚟引導你冥想。
#4 充足睡眠
捱夜讀書效果唔好架！保持7-9 小時嘅充足睡眠，可以提升記憶力同思維清晰度，令學習更加有效率。
#5 保持聯繫
同屋企人、朋友保持聯絡，即使係簡單嘅一個電話或者訊息，都可以舒緩壓力，減少孤獨感。
#6 健康飲食
補充水果、蔬菜、全穀類等等營養豐富嘅食物，避免加工食品，尤其是高糖分嘅食物，以免影響你嘅精神。
#7 控制咖啡因與酒精攝取
過量嘅咖啡因可能會引發焦慮，而咖啡因同酒精都會干擾睡眠，記得要小心攝取，以免影響狀態。
#8 投入興趣愛好
適當咁休息下，間唔中做自己有興趣嘅事，例如睇書、畫畫、彈樂器等等，可以有效舒緩壓力並改善心情。
#9 時間管理
制定合理嘅學習計劃，將大目標拆成小步驟，令學習更有條理，減少焦慮感。
#10 尋求專業幫助
如果壓力過大，記得主動尋求心理輔導或專業人士嘅幫助。搵人幫手絕對唔羞恥，對自己好啲！
掌握呢啲減壓技巧，助你輕鬆迎戰考試！你一定做到架！
